من الخيط صاير حظنا أرفع
ومنهوبر وراياتنا منرفع
عنا النسر من نمرة البوحنين
وكلمن عا غيرو صار يترفع
عنا النسر من نمرة البوحنين
وكلمن عا غيرو صار يترفع
نحنا شعب من جيل بو ضرسين
بساعة غضبنا خدودنا منصفع
ومن حيث عم نلعب على الحبلين
منا الضرر عم ينحسب أنفع
بساعة غضبنا خدودنا منصفع
ومن حيث عم نلعب على الحبلين
منا الضرر عم ينحسب أنفع
وكلما حملنا كلة الايدين
منقول معنا كلة المدفع
واللي حفظ بالمدرسه حرفين
بيعد حالو "ابن المقفّع"
منقول معنا كلة المدفع
واللي حفظ بالمدرسه حرفين
بيعد حالو "ابن المقفّع"
يا شعوب الله فتحو العينين
غير الصلا والصوم ما بينفع
خلقنا بهم مننتهي بتنين
وفينا ما عنا مين يتشفع
غير الصلا والصوم ما بينفع
خلقنا بهم مننتهي بتنين
وفينا ما عنا مين يتشفع
لا تسألو منوين جينا لوين
وكنو لنهاية صومنا مرفع
الارض اشترينا من السما بالدين
وكلما جسد بترابها ينطمّ
منكون الها قسط عم ندفع
وكنو لنهاية صومنا مرفع
الارض اشترينا من السما بالدين
وكلما جسد بترابها ينطمّ
منكون الها قسط عم ندفع
