الصفحات

ننشر في هذا الموقع أشعار الشاعر الكبير عصام ملكي

ندي مطعْوَج

نحنا عا حفة هالدني صرنا
وعم نحفر بدينا مقابرنا
قومي عا صرخة حلمك وحلمي
خيال الفجر عم يكحش الظلمه
وهوني صباح الخير ناطرنا

فصل الربيع الارض متزوج
رش الحلا عا ترابها وروّج
والوردة الاحلى من الرسمه
لما عليها دعست النسمه
صار الندي عا وراقها مطعْوَج

وقال الجمال من الدرب حيدو
الخيرات عندي بلّشو يزيدو
وبالشجرة القدام باب الدار
عصفور عم ينظم الِك اشعار
وعم تزمط الاوزان من ايدو

ظروفك ضروري يقابلو ظروفي
شوفي شو صاير بالهوى شوفي
مفروض يوصل للفجر موّال
كنّو النعس عندك طويل البال
زيحي تا حدك نام نـتـّـوفه


0 comments:

إرسال تعليق