لما ما عدنا هَجْرِنا بلعنا
قلنا ضروري يقوم مرفعنا
وقلنا البعد ممنوع عمرو يطول
وعا ها البنا عا بياض وقّعنا
ولما ابتدينا نطالع المعقول
متيله لجوع النفس سمعنا
وقلنا تا نبقى هيك مش مقبول
ما في صبر بالكون ينفعنا
ومنشان يفرض وهرتو المكفول
اطول قـُـبل عا شفافنا طبعنا
كلو لأنو بالعرض والطول
تفشكل نظرنا وبالهوى وقعنا
قلتلها جسمك الي معمول
وقالو الايادي للدقر جعنا
من بعد جوله بعالم المجهول
عدنا لطيبة قلبنا رجعنا
ومنها طلبت تا نجمع المحصول
ما زال صارت فارقه معنا
وبعد العطا والاخد صرنا نقول
اليوم الغزل ما بينتهي بكير
بدو الطرح عا الارض يجمعنا
0 comments:
إرسال تعليق