لما لوجودي خيالها صوفر
عنّ عْلى بالي روح عا صوفر
قلت القعد بالبيت مش مقبول
المرفع اجا ومفروض اتزفـّـر
ومفروض ما يبقى الفكر مشغول
ما زال صار الوقت متوفـّـر
اخر زياره كانت بأيلول
لما طلعت بالمعركه مظفـّـر
ما بحب شوف الهجر شامط طول
بايام فيها عواطفي معفـَّـر
بالامس كنت من الوضع مخجول
وكان السكوت من الحكي اوفر
كلما اجاني ظرف صول وجول
بلاقي خيالي من المدى منفـَّـر
ببحر الشعر عم ينزل الاسطول
وما في حدا عا القافيه تسفـَّـر
من هيك هلق بالصراحه بقول
كفري بكلامي والسكت اكفر
مش بس عم شوف الطريق نزول
ما لي قلب اتنشق النسمات
فزعان لا يكون الهوا اصفر
0 comments:
إرسال تعليق