الصفحات

ننشر في هذا الموقع أشعار الشاعر الكبير عصام ملكي

وديت ليي

تلج القلب رح يقلب مويي
وحب الشباب مفرّخ بديي
وما بين شقفه من المضى والان
واقف عا مفرق والدرب حفيان
ويمكن رجوعي يوقف عليي

وساعة ضجيج تحركو ديها
بعقارب بتبرم حواليها 
وريح الشمالي ما قبل يرتاح
سيره فتح مع شجرة التفاح
الما في تياب تحاتني عليها

وبالرايح شويه شفت بقعه
من الارض منها للنظر وقعه
حط الدفا عا جسمها كنزه 
لكن ما جاها من الوصل همزه
لما طلع زنارها صقعه

ومن بعدما صار الضغط عالي
ودّيت ليي من انا رساله
وفيها قلت صاير حديثي صراخ
لكن ما رح اترك درج للآخ
منشان ما يطلع عَلى بالي

0 comments:

إرسال تعليق