الصفحات

ننشر في هذا الموقع أشعار الشاعر الكبير عصام ملكي

حلم

مبارح بحلمي رحت عا بلادي
وصرت بسكوتي مطرحي نادي
ولما وجودي صرّف الاعمال
الذكرى القديمه عزمتها عا البال
وصرِّت الي الالوان زواده

والولدنه جات برغم سني
لما عرفت بالمنطقه اني
وعا ريحة الماضي رميت سلام
ومطرح ما كانت عيشتي احلام
عا الارض ما بيّن شقف مني

ومن بعدما حرّكت الهامي
عمري نقز عا ذكر الاسامي
ولما لقيتو دخن سواكير
نزلو دموعي بطلعة التفكير
وصار الوجع بالراس قدّامي

لحالي قلت لما انقطع لوني
بضرب الرمل ما بينعرف كوني
ورجعت قلت الهمّ عندي حلّ
هلق انا قاعد بغير محلّ
وغبرة زماني قاعده هوني

0 comments:

إرسال تعليق