الصفحات

ننشر في هذا الموقع أشعار الشاعر الكبير عصام ملكي

مات الخيال

جوع النفس صاير بَلاَ ديانه
كلمة يا عيب الشوم نسّاني
كلما عيوني يسايرو الحلوين
جرح النظر بيصير جوّاني

بساعة جنون تركت بشمزين
وجيت عْلى سدني وختير زماني
ومن بعد عمر سألت عني مين
وكان الجواب فلان الفلاني

ولما وجودي برطل تشارين
تا اقطع مسافات احزاني
سدّت بوجهي وقلت الله يعين
وكاسي طلب ايد الدملجانه

وبعد الترندح ست سبع سنين
وقفو الابر فوق الاسطوانه
ومات الخيال وسافر التلوين
وصار السكت موّال الغناني

ما بقيت اقدر اطبع دواوين
وانظم شعر ما في الو تاني
حروف الهجا عن جد دوّارين
صبح ومسا ما بيقعدو بالبيت
وما في حكي بيدور عا لساني


0 comments:

إرسال تعليق