الهمه عا آخر

تهنّي بعذابي يا سما تهنّي

نفسي عليي ما بقا دنّي

بيضل طافح بالهموم الكيل

عا الكون جيت وما بقى تنّي

من ميل عم انقل لتاني ميل

تا جيب راحه الضعف جنّني

الهمه عا آخر والتعاسه سيل

وما بقيت عم أعرف أنا كنّي

صاير نهاري ابن عم الليل

ويمكن جهنم صايره جنّه

والآخ عندي بعدها من جيل

العنّه الطلع عا كعبها عنّه

طلق وجودي كل شد الحيل

ومنّي بقا متل الخلق منّي

وقت اللي صارت صحتي بالويل

سألت الدني: لك ليش بدّك فل

قالت تا حتّى تنقبر عنّي

**