ما ضل عندي للفرح مرجع
من ذكرياتي صرت اتوجّع
وهوني انا ببلاد مجهوله
قاعد عا كرسي نص مشلوله
صوب الكسر بتروح وبترجع
قايل بشعري بأول المطلع
لقمة حرارة صيف ما ببلع
صارت حياتي بالفعل تهميش
عم جرّب الصقعة تا فيها عيش
بلكي الخلق بالبرد ما بيطلع
كلما وصلت عا مصيبتي بدمع
الذكرى صرت عم حف تا تلمع
مش بس فيي استوطن الوسواس
ما كنت اعرف شو انا من الناس
واليوم فيي صرت عم اسمع
عطرك لذيذ وطعمتك نعنع
وحظي شنيع وغيبتك اشنع
يا روح روحي وعايشه بالبال
ان كان فينا نرتّب الاحوال
وبيسمح الرجال شو بيمنع
0 comments:
إرسال تعليق