تعي يا ختيره بعكاز غنـّـي
حياتي رايحه صوب التدنّي
صرت عم شوف قدامي ورايي
وما عندي للغمز اسلوب فـنـّي
عا راحة فكر ما نسّم هوايي
ولا جاب العافيه كتر التمنّي
البدايه انوصلت بيوم النهايه
وعذاب الحب بكير امتحنّي
ما بقدر عيش كم ساعه بلايي
الركاوي فحّمو ومحروق بنـّـي
وعذابي كان كلّو من بلايي
صرفت العمر همِّز عا التأنـّـي
الفرح معدوم والويلات جايي
محطه للوجع صاير كأنـّـي
الفراغ تجنّس بعين العنايه
ولحقني الاخ مَنّي متل َمنـّـي
الارض قالت يا اهلا لمستوايي
وقلت عا الطاير بمليون عنه
يا دنيي ما شفت فيكي هنايي
متل ما غصب عنك جيت ليكي
عبكرا بروح منك غصب عني
0 comments:
إرسال تعليق