شوها الدني البتضل مش هيي
وفصولها مَنها طبيعيه
بدّي بصراحه غيّر العدّان
وخلّي الصفا يستوطن النيّه
واطرح نفور واجمع العربان
واصرف عا وقتي ورقة الميه
واعطي حقوق تساقب النسوان
ومشّي الجميع بفرد عقليه
وطعمي الفقير ولبِّس العريان
وما ربِّح الايام منيّه
وقوّي الضعيف وفتِّح العميان
وعا الختيره ادلق شبوبيّه
والطائفيه شيل من لبنان
وازرع بقلبو شتل حريه
تا يصير شوكو شقايق النعمان
وتسجّل الالوان كميه
وشيل الكفر عن شفة الانسان
واعطي الصلا اكبر أهميه
وللشعر بدّي غيّر الاوزان
وعا الابجديه زيد عشر حروف
بكرا بعدما التقي فيي
0 comments:
إرسال تعليق