نحنا بعرس الشعر هنّينا
وبمأتمو الكلمات عزّينا
وكلما رمينا للحياة سلام
عم تنتلي فراغات ايدينا
بأرض الجهل لما نصبنا خيام
ضعنا وبعد ما حالنا لقينا
جبرنا الورق يمشي بصف قلام
ونسخه لشوفة حال ودّينا
تركنا النغم فوق الحرير ينام
ومش بس انو الناس لبّينا
من السطر شلنا علامة استفهام
وكسر الوزن قيراط ما عطينا
خلو الحقيقه تحاكم الاوهام
سعر الوعي بالسوق غلـّـينا
نحنا اكلنا نكهة الاحلام
لما بصحن النوم غطـّـينا
وهلق بعد ما مرقت الايام
تش النظر جوّات عينينا
وما عاد فينا نفشخ لقدام
صرنا عا اخر والمشي احلام
بالكاد انو نشحط جرينا
0 comments:
إرسال تعليق