مَرْقِت بفسحة متر المربّع
مطرح ما كان الشوق متربّع
تدعس موسيقى وخصرها تلوي
ومن كتر مَنْها ناعمه وحلوه
تطلعت فيها وما عدت اشبع
وبالشمس وقفت والبرد اضرب
خلى الدفا عا جسمها يقرب
وموج الحراره حقّق الغايه
وصارت عا عين الرايح وجايي
تسكب عرقها والهوا يشرب
ومني لحالي بلّشت اشرح
شو عم يصير واجمع واطرح
قلتلها طالع عبالي الآن
بإيد الشهيه حبحب الرمان
وراسي عا صدرك ساعتين زمان
القي اذا بيساقبو مطرح
حبيت ريقي بريقها بلّو
وقلت القلب مجروح يا دلّو
من وين قولي بيرصدو الاحوال؟
ومن وين قولي بحوش الامال؟
ومن وين قولي بجيب راحة بال؟
ووقت اللي قالت شرَّف الرجال
قلتلها من وين بيفلّو
0 comments:
إرسال تعليق