انا بالارض نازل نص قامه
وبصف الحب صفرين العلامه
لانو الحظ عاملني شهيدو
وصباح الخير ما بشوف بمنامي
غرامِك ليش ما بيعطي جديدو
حرام تصير عا الارض الكرامه
انا الجبران للخاطر بريدو
تا حتى اقشعك سلمى كرامي
المضى يا ريت فينا نستعيدو
تا نرجع نلتقي بخير وسلامه
بكل مناسبه بطالع بريدو
والو بالمرحبا ببعت سلامي
ضروري وجودنا يجمع رصيدو
ما بدو واسطه ومندوب سامي
لازم بالهوى ينقام عيدو
وبساعه واختها تقوم القيامه
القلب زرِّيع عم يطلع نهيدو
وعا كتف الآخ دمعه وابتسامه
و"امامي" من الفزع قلبو بايدو
ما بقدر سيرة المشوار افتح
اذا من الدرب رح يهرب امامي
0 comments:
إرسال تعليق