وسعو الجروح وضيق مجالي
وهارب زمن تصريف اعمالي
بشفرة مشاكل خاطري مجروح
ان كان بدها تروح مني الروح
بدي عبكرا روح من حالي
بالرغم اني قلت يا بكركي
وشلت الوحي وجهين عا الكركه
لحالي قلت عا سيرة الالهام
محتار شو بعمل بها الايام
الما بتجمع ولا بتطرح البركه
وحنه اللي الها عواطفي صلو
لما عليي عيونها طلو
قالت الي عن جد عم حاكيك
وقلب الحكي لما انقطع هونيك
فز السكت تا يقعد محلو
ولما الشعر ما حب يعطيني
كلمه عليها عمر مدينه
بالخمر قلت بخدر الاحساس
ومنشان تا يحضر لعندي الكاس
ودَّيت خلفو نص قنينه
0 comments:
إرسال تعليق