الصفحات

ننشر في هذا الموقع أشعار الشاعر الكبير عصام ملكي

ضحكتي بعبّي

يا ناعمه بتستاهلي زقفه
العالم بيقولو العز بالوقفه
كلك حلا وعندك سجل نضيف
علواه لنك راكبه شقاقيف
وبتتركيلي بالصحن شقفه

ان قلتي جريمة حب مرتكبه
وبدك تنين بتوصل النكبه
قولي لواحد بعملك شاويش
وقولي لهلي عا الوعد بيعيش
حدودك عند صابونة الركبه

وان كان خمسه بدك تحبي
بتصير تطلع ضحكتي بعبي
واحد بتطلع حصتو الدينين
والصدر فيهم يا خدوه تنين
وواحد بياخد فخض للكبه

وكنو الامر منو بايديكي
وبدك تضلي تقسمي هيكي
بكرا اذا شي يوم بالحشره
عن على بالك تعشقي عشره
بيضل منك ريحة جريكي

0 comments:

إرسال تعليق