بساعة وداع الدّخل عينيها
هلي مزادي بيوقع عليها
لما ما عادت تعمل مواعيد
ايد الطبيعه طلبتها من بعيد
وضلَّيت امشي تا وصلت ليها
وكان الجمال وظيفتو مدبَّر
لما الهوا من وصلتو هوبر
ومرقت صبيه حظها ماشي
فراشات حملو بديهم فراشي
تا ينفضوها بس تتغبر
ومطرح ما صافح حاضري امسي
نحلات لبسو طابع الشمسي
للزَّهر عما يبعتو سلامات
وعصفور طاير ما معو فرامات
رَوَّح بدربو اربعه خمسه
ولما افتكرت الكاس مشتقلي
ودَّعت زهر الكان بالحقله
وقلت لأنا يا الف يخزي العين
رحت بعقل كافي عا هاك الوين
ورجعت عا البيت بربع عقلي.
0 comments:
إرسال تعليق