قلت لحياتي روجي لييي
فزعان لا اوقع بايديي
قلي الهوى تا عيد صف كلام
وفزعان انو تمرق الايام
وبدربها تاخد حوالييي
اليبيس مجدو صار بجريي
وبيجوز مني قالب شويه
حامل بايدي كاس فاضي البال
ومن حيث منها رايقه الاحوال
قالب شفافي وقالب مويه
ولما اجو الآخات يا بيي
وصوب المصير شلحت عينيي
لحالي قلت من بعد ما تغديت
رح ضل قاعد عا السكت بالبيت
انكانت الرجعه واقفه عليي
الكانت تجي عا البال يوميه
راحت عا غفله وما بقت هيي
الواجب عليي بحيث انو فرض
جرَّبت لم الواقع من الارض
قلي الامر شو دخلـَّـك فيي
0 comments:
إرسال تعليق