يا مدوبي القلبين يا رقيقه
لا تعاتبيني واقع بضيقه
وعا النار لا تصبّي بإيدك زيت
نتفة وقت عا راحتي ما لقيت
تا كنت صوبك حول دقيقه
الاسبوع كان مقمّص شناعه
تنينو وخميسو سببو مجاعه
ويوم التلاته ما مشي بالسوق
مش بس كان مطعوج وملووق
عا الارض منو واقعه ساعه
وها الشهر منو رايح كفايه
عندو البدايه اسمها نهايه
التصليح يمكن عن طريقو ضل
وان كان هيكي الحال بدو يضل
يمكن يروِّح جمعة الجايي
واقف حضوري وقاعد بلايي
صار الجنون بينقرا قرايه
وصاير مع الحيطان شرب الكاس
ومش عم بلاقي يوم متل الناس
يسوكر لجوع النفس انتايه
0 comments:
إرسال تعليق