يا ابجديه ما نشف زيتي
لليوم متلي بعد ما لقيتي
قاعد انا رايح من الهونيك
وبالاجتهاد معمر مداميك
وكل الحروف بيعرفو بيتي
لكن مبارح ما طلع هوِّي
جاب الضعف عا منطق القوِّه
ولما الوهم من عالمي قمتو
اخر نفس عا الواقع عزمتو
طير صوابو وقلل مروِّه
ولما معي ما انكرت البكره
تصيد خيالي بمية العكره
ما قدرت اجمع بالضغط حرفين
ولما عرق فكري سحبت وجهين
طلعت قصيده فاقعه سكره
0 comments:
إرسال تعليق