الصفحات

ننشر في هذا الموقع أشعار الشاعر الكبير عصام ملكي

غرامك يا هدى

انا انسان ما بيبرد حديدو
وعتيقوواقف بخلقة جديدو
ما بدّي نغمة الام الحزينه
اللي قالو دموعها من الدرب حيدو

اذا عم جن شو حرجك بديني
غرامك يا هدى ما انقام عيدو
بدون حروف جايي تقاطعيني
وانا الاخلاص عم انعد سيدو

تا عيد الصف حاجي تسأليني
بصفك ناجح وممنوع عيدو
لموجة كبريا صرتي رهينه
وما عاود فستقك يعرف عبيدو

الك ما بقيت رح ودّي حنيني
القلب ما عاد يسأل عن نهيدو
ولأنو طينتك من غير طينه
عيوني بشوفتك ما بيستفيدو

انا معزوم عا اخر سنيني
ورجوعي مش رح يسوكر بريدو
عا درب العمر اصحي تلحقيني
حياتي بتعمل عليكي دعاوي
اذا عليها خيالك مدّ ايدو



0 comments:

إرسال تعليق