انا جوعان دخلك يا حياتي
ارجعي تا السح السكر نباتي
عيوني بالمحرّم علّقوني
وشرودي صاير باربع جهاتي
ما بقدر قول للي بيسألوني
الي شهرين عم بقبش عا ذاتي
خيال الموت ما بيمشي بدوني
بايدو تعيّرت ساعة وفاتي
الحقايق بالدني ما سايروني
عن المستقبل البيكون اتي
وقلت وين اللي كانو يقبروني
وعا وصفن نشّف الحبر بدواتي
التجارب درس قاسي علّموني
وما كان يعيرني الحظ التفاته
وبعدما الدمع شلوَطلي عيوني
صرت عم اقشع الواحد تلاته
مهاجر جيت عا الدنيا بجنوني
وصرت بالتفرقه اجمع شتاتي
وعا نتفه الناس كانو هجّروني
لو ما عن جداره كون حامل
بايد العمر جنسية خواتي
0 comments:
إرسال تعليق