شروقي
يا رب بدنا حدا من ماركة "سقراط"
يقدِّم بأسرع وقت للشعب اطروحه
علَّم علينا التعب من كترة الإحباط
وكلمة يا اهلا بتجي من التم مبحوحه
للحل عند الوطن ما في ربع قيراط
طاير صواب الوضع عا جوانح الشوحه
ما في تفاهم بقا صار الحديث عياط
وعا سطح بيت الشعر آخات مسطوحه
وبالرغم انو الوعي قالو قطع أشواط
كلمة محبه على الطرقات مشلوحه
ولمّا الحكومه اجا عا وجودها الإسقاط
عرفنا بانو الثقه ماعاد ممنوحه
واليوم صار العلا إسمو كعب صبّاط
مش رح تشوف الدني للحل بحبوحه
بلبنان كنُّو بتجي حكومات "تكنوقراط"
بتكون "تكنو" بوقت الضم مفتوحه
0 comments:
إرسال تعليق