يا منيّره رقبة عنفواني
لا تطلّعيلي شَعر عا لساني
من مي جينا عا الدني ومن طين
وحظوظنا ولاد البتنجانه
لا تجبريني كل كلمه زين
بكتر الشريعه مكلّخ سناني
لما ورايي تركت بشمزّين
انكسرو ببيت الشعر اوزاني
قولي الي اخد انا من مين
ومن وين جايب اخر زماني
ضيّعت حالي بأول التكوين
ومعنكشه بالبال احزاني
وعندي مشاكل خلـَّـفو شياطين
وبصفحة المجهول عنواني
واخد صفر بالعاطفه من سنين
وبالرغم اني مقرف وجاني
تركت الصداقه من عدا قوانين
ومتل الغسيل نشرت وجداني
وهلق بعد ما وصلت للسبعين
طالع عا بالي عصِّر الاصحاب
واسحب نَزل بنهار الفلاني
0 comments:
إرسال تعليق