ريحة سلامك

رحتي قبل ما صفوفك تعيدي

وما عاودت تزبط مواعيدي

غيابك عا بيت الشعر جاب الفال

وعالسطح ما خلـّـى ولا قرميده

مش بس انو الهجر ربّى عيال

وغنّى الشقا من دون ردّيده

صار الوجع بالراس عندي حمال

وقلت لحياتي من الدرب حيدي

ذكرك عا درب محبتي خيّال

مبارح اجا يفلفش زواويدي

ولما وقف تا يندب الاطلال

خلـَّـى الدمع يمشي بتجاعيدي

كنت عْلـَـى جسمك اخد استقلال

وكان اللمس يسرح عا تنهيدي

وكلما تعب يتقدم الموّال

الحامل عا كتفو قافيه جديده

هلـِّـي عا شكلك بالحياة قلال

لشلح النظر ما بتلبقي بعيده

مش رح تروحي من ضمير البال

صار البعد من جيل اول آخ

وريحة سلامك بعدها بايدي