شفتك بحلمي وخوتت اكتر
وصرت بخيال السكت اتستر
وبالرغم انو ريّشو الافكار
ما قدرت اكتب للدني شو صار
انكبّ الحبر وتجلغم الدفتر
شلح النظر عدك عظيمة شان
وعير عيوني لشكلك الفتان
وفيكي تركت عواطفي يجنو
ودوّبت صوتي وشربت منو
لما صرت للمرحبا عطشان
كنتي قريبه كتير وبعيده
ولما اخدتي قاعده جديده
لبسو الحروف بكلمتي الوان
وحبلت الاهلا وخلّفت صبيان
وقت اللي صارت ايدك بإيدي
ولما وقف بالبال موّالي
وبلّش جمالك يعرق قبالي
قلتي ما فيكي تغيّري العدّان
ومنشان تا خلّص من الاحزان
مني لحالي نقلت من حالي
0 comments:
إرسال تعليق