لما يا حلوه الما لكي تاني
قلتي تعا وجيب الدملجانه
علقت جايي شوفك بمسمار
ومنشان تا يزبط معي المشوار
ربطت الوقت بجرين الخزانه
ولا يوم اسمو بالدني عيدي
ما بيوقف ولا نهار تنهيدي
وهمي بعد ما شفت عا شكلو
رغيف السخن بالحلم ضاحكلو
وقت اللي كانت وجبتي جديده
عني صرت عم اقطع السيره
من ها الدني هربان تدبيري
وبالشعر هلق ختيرو الاوزان
والابجديه صارت بلا سنان
وما في حرف بيعض عا النيره
وروحي بها الايام منكمشه
ومش عم يهدّي بجيبتي قرشي
وحياتك على المسك مني مليح
وسيارتي السابقت فيها الريح
صارت عا دقه ونص عم تمشي
0 comments:
إرسال تعليق