يا هند راحت لغة التعبير
تشم الهوا والهم صار كبير
شايف خيالي ملبّك بحالو
وحد الوحي رايح من قبالو
كلمات عم تهرب من التفكير
بأيا سما الالهام بدّو يطير
وكيف بدّو الشاعر الجبّير
بالارتجالي يشرّف زمانو
حروف الهجا اللي عناتره كانو
بساحة علي عم يلبسو تنانير
لعندي تعي تا يرجع الاحساس
وقَودم عا آخي وصير متل الناس
وحياة الله ومريم العدرا
نفس اللي هيي بعدها خضره
ان ما بتجي عا الطاير بتيباس
عرفتك لطيفه عرفتك رقيقه
وحياة عينك واقع بضيقه
ان جيتي لعندي بغيّر التكوين
وبشلح ورايي الاربعه وسبعين
وبرجع ابن عشرين بدقيقه
0 comments:
إرسال تعليق