من بعد غيبه رجعت عا بلادي
قطّف جمال وصرّ زوّاده
ومن ساعة الفيها زماني لقيت
بطوفة دموعي شطفت ارض البيت
المن بعد الله بعبدو عباده
وستّي الحنونه الكنت عا ديها
اتمرجح وابرم حواليها
صارت يا ولدي من الحكي تفزع
وما عاد فيها خلقتي تقشع
ضاع النظر بخراج عينيها
والشجرة اللي تحتها تدرّى
جيل الفلاني جسمها تعرّى
كبّوت بدها وما التقى كبّوت
وبإجرها ما في ارض بتفوت
الابهام نصّو طالع لبرّا
ودرب الأنا عبّدتها شويه
وشكرت فيها قلبت عليي
ما عرفِت تقللي الزياره عيد
بالرغم اني من زمان بعيد
علّمتها بدعسات اجريي
0 comments:
إرسال تعليق