عيد الامهات

صرتي يا امي بالثريا وبالثرى

وصارت عيون الودّعوكي مجمّره

شاء القدر تا تنقلي من هالحياة

بالرغم انك ما فقدتي المقدره

وقت القلت للأهل صرتي ذكريات

ما صدقو قالو تا قول مسافره

كلو لأنو كان فيكي مواصفات

تقدر تقلك يا قمر من مشغره

بوجهك بعدما سكرو الاربع جهات

صار الوضع يلبس طقوس مغيّره

وحط الوما بصابيع ديكي مؤلفات

وقال السكت للناس شو صار وجرى

حبك لنا ما كان الا حب ذات

وكنتي بريدك عا القلوب مسوكره

وياما لصرخة آخ عرتي التفات

وبصماتك على الخير كانت تنقرا

بقلك يا امي الجبلتك سكر نبات

رحتي وما فينا نرجّعك فشخه لورا

وهلق نهار الحد عيد الامهات

ما زال ما بدك لا اكل ولا شراب

باقة زهر باخدلك على المقبره