رحت لعند الهام بالمونه
من بعد سكره غيّرت لوني
قالت ما بقدر ها المسا حاكيك
راح الوقت من هون عا هونيك
وما في حدا تا يرجعو لهوني
ووقت اللي صارو عواطفي يجنو
بساعة رجوعي وعرفت انو
مطفي القمر متلي بحالة ويل
وفي ميل منّو متل تاني ميل
عيّطت بالعالي لنجم سهيل
ان كنت ما بتضوي الي بالليل
بهّز الفضا وبوقّعك منّو
ولما لقيت العتم ما بدّو
يخلي الجزر يتعرف بمدّو
طّلّ النجم بالجو متل البيك
ولما شلح نظره ولقاني هيك
تحجّب بغيمه مارقه حدّو
وعا دروب مشروره حواليي
ضلّيت ابرم تا وصلت ليي
ومش بس اني حسبت حالي تنين
حسَّبت بيتي راح مدري لوين
وتحت الشتي عم يبرم عليي
0 comments:
إرسال تعليق