صرت دبلان

يا هلي بتعرفو ما بتعرفوني

بحياتي نازل وطالع جنوني

ما فيكم تعملو من الزاف قبه

وما فيكم تضربو حساب المحبه

اذا من البال بدكم تطرحوني

وتا حتى فيق عا خيبة ظنوني

ضروري عا الدني فتّح عيوني

اسمحولي قلكم عا رواق انو

وجودي ما بقا مرتاح منو

بعض اوقات عم ابقى بدوني

الطريق منين عا لوين بعيوني

ما بعرف دخل الله خبّروني

بعدما كنت واقف بالطليعه

بيني وبين انا جات القطيعه

وصرت دبلان بالمي اطرشوني

هموم اللي عندي من حما وكنّه

بعرف انا وبيعرفو هني

عليي ولا مره اهتمامي لزّ

ماشي وما فيها همّتي تنهزّ

بيجوز اوقع عا الارض منّي