طلاق الكاس

يا ريت في عندي "انا" تاني

يعمل الي شفافك دملجانه

بلكي اذا صار الخمر ينباس

بيمشي طلاق الكاس بزماني

وبيصير عندي للغناني حماس

وعا بلّ ريقي بوشّب عيانه

وهمزة وصل بعمل من الانفاس

تا ينوصل بلسانك لساني

وحتى الك يتغيّر الحلاّس

ببعت ورا طقم البلخزانه

ومن شغل بالي بسفـِّـر الوسواس

تا اقطع مسافات احزاني

وبالحب تا نغطس يا بنت الناس

ونطلع متل ابره واسطوانه

بقول احفريلي للصراحه اساس

وببقى معك انسان انساني

وعا الجو لما بيدخل الايناس

وبتصير طعمة حبنا ديانه

بعمّد حلاكي بعاطفه واحساس

وشَعرِك بمشّط بالوزن والأوف

تا يصير شعرِك شِعر لبناني