رح جن

لما ظروفي بلشو ينوحو

دق القلب موسيقة جروحو

وودّعتها ومشيت بالتعتير

ولليوم بعدو بيسأل التفكير

صوب العقل من وين بيروحو

ومن بعد سحبه بطقس متردّي

قعدت على همي وبعّدت حدي

وهونيك قلت يكون هل بيكون

ما زال بيقولو الجنون فنون

رح جن اكتر ما انا بدي

بدي زمان يغيّر الحاله

مشغول بالي والضغط عالي

بيناتنا كان الحديث سكوت

وكانت حياتي وكنت فيها موت

وهلق انا عن موت عا حالي

صارت حياتي للغضب مسرح

وشوقي لها اكتر من المبرح

من بعد ما غيّر مزاجو الكون

ما بقيت رح انقل عا هون وهون

بقعد ببيتي وبنقل المطرح