انا بالآخ والآخ بشهيقو
لجروحي قال عا الاوضاع فيقو
راحة بال حظي ما عطاني
وما عندي ظرف يعجنلي دقيقو
عا مدري لوين عم ينقل زماني
وإلي مش تارك مواقف يليقو
عا كبر الهم بتقبّل تهاني
الوجع بالراس حاسبني صديقو
طعمت الوزن زهري وبردقاني
تا خلّي اللون يبعد عن عتيقو
واذا بدحرج كلامي عن لساني
عا منبر شعر بيزلغط عقيقو
ضروري الشعر يبقى عنفواني
وضروري عا العرق يدلق بريقو
انا فضّيت بال الدملجانه
تا بالي يشتغل عا بل ريقو
لما جيت اعمل مهرجاني
ورجّع للحرف لونو وبريقو
وقف بالفكر موال الغناني
وعا قول الاوف مش معقول يمشي
تا حتى السكت يبعد من طريقو
0 comments:
إرسال تعليق