الام الحنونه همومها شقعه
الها قلب ما بيعرف الصقعه
والارض ام وعندها مشاكل
نتفه ونتفه ولادها بتاكل
منشان ما يروحو فرد وقعه
بتدفع لخيط الشمس راتبها
وشكل الوجه ما عاد عاجبها
عملت حواجبها من الاشجار
وكلما عليها يمرق الاعصار
بتكون عم تنتف حواجبها
يا ما لها مواويل غنّينا
وضعنا وعليها حالنا لقينا
قلنا لها من بعد استطلاع
قلبك لأنو سمعتو تلاّع
بيفتّ كلما يساير جرينا
يا ارض شو محلّك من الاعراب
ولادك عليكي تسجّلو اغراب
وداعس وراهم عا الهدا تشرين
من هيك كلما التقي بحلوين
بتنزل دموعي بين حين وحين
وبقول بكرا رح يصيرو تراب
0 comments:
إرسال تعليق