مشاوير

قلت لحياتي بسحبة منامي

فيقي عا سبعه ونص لا تنامي

طالع عبالي للوطن تا عير

لنّو التفاته دمّها حامي

ولما رجوعي طلـَّـع التقرير

وبالليل عا الضيعه وصلت ظامي

غطّـَّـيت بالنوم وقمت بكير

فرّق لاهلي ملبّس سلامي

وصارت الذكرى تلبس حزازير

وعقصو العقارب ساعة دوامي

وشلح النظر بلّش عا ذوقو يطير

ويغطّ مطرح ما العشب نامي

وبفيّة اللوزه العا كتف الشير

هلّي انكتب عا جسمها اسامي

تشلقح ضميري بأصدق التعبير

وشعري ببحرو عمّد كلامي

ولمّا اهتمامي خرطش مشاوير

شوقي مشي حفيان قدّامي

ومش بس انو تخدّر التفكير

هونيك خلّوني عيوني شوف

دعس الزمن عا غبار ايامي