العما شايف

عن شمختك يا ارز طمنني

راجع انا وآخي وكبر سني

فتحت ظروفي بابها المغلوق

وقلتلها الهمات هَوْ هني

ما بريد ابقى بغربتي مدعوق

راجع بأقرب وقت لكنـِّـي

مطعْوَج صرت بالختيره وملووق

وفيي العما شايف الف أنه

مشتاق اخد من زماني حقوق

وقول لحياتي بالحلو جنـِّـي

بالكون قدي ما انقهر مخلوق

من هيك امري صار يحزننـّـي

لبنان بالواقع حلم مسروق

وقدَّام تفسيرو عرفت أني

انما شفت حالي بحالتو ما بروق

روحي الو وما بربحو منـِّـه

واليوم بصبوصي بعتم مشنوق

وصارت الدمعه لابسي بنـِّـي

وعم قول للشعب بقلب محروق

ان ضلّت الدعسه ناقصه بلا شك

المشوار رح يوصل قبل منـِّـي