الصفحات

ننشر في هذا الموقع أشعار الشاعر الكبير عصام ملكي

وحياة عينيكي

انتي الرواق وما حدا اروق
من الذوق الله خالقك اذوق
قلبي لكي تقدم عا ايديي
وخصرك بنظره طايشه تطوق

انتي شمس بتبخّري الميه
ومتلك انا بالحب متفوق
لا شك انو لحمتك نيه
ولا شك قلبي من الهوى محَرْوَق

جايي مشي وعم تلهت جريي
يمكن لعندك اوصل معوّق
وعم تبرم الشهوه حواليي
وتا اقشعك قديش متشوّق

وحياة عينيكي يا عينيي
عا كل هلي عرفتن محوّق
صايم الي يومين وشويّه
تحت الدرج حطي الي المفتاح 
طالع عبالي لحم اتروّق 
                   

0 comments:

إرسال تعليق