سلامات

هَم الاجا عا الراس عن يدّي

وقعت بغرامي ومشكلي قدّي

ولما انقطعت بدرب حب الذات

لعندي قلت ما بقيت رح عَدّي

حبّيت شقرا ام جرّ بنات

وحبـَّـيت سمرا طباعها حدّه

وحبَّـيت هوني ارمله لغايات

وخلفي تركت صفحات مسودّه

وحظي جمعني عاود "بايفات"

وقت اللي عيني صارت تندّي

وفيها شفت يا بو الزلف هيهات

وصارت بِشِعري تزبط الرده

كانت بقربي والحديث "لهات"

واليوم مَنها قاعده حدّي

الايام حطت بيننا مسافات

وما عاد وشوش خدّها خدّي

لكن بنظري الحب بعدو خوات

وما تغيّرت شدّه ولا مدّه

ببدال ما تبعت الي سلامات

بتبعت بتكسي ايدها الجفصين

تا ضلّ سلـِّـم قد ما بدّي