بايدو العمر جايبلي بلايي
وما بعرف وين صاير مستوايي
وجودي ما قدر لملم رجالو
وعطيتو وقت تا آخد مدايي
النظر بالعمر عم يقصر مجالو
وعليي بخلت عيون العنايه
واذا كسدرت بالكون وجمالو
المشي بيكون داير من عدايي
ولأنو موطني مشغول بالو
ولأنو الحل ما عندو بدايه
رجوعي بلّش يفصّل بدالو
وتركني بين رايح بين جايي
انا عم قولها والناس قالو
ما عندي وجه يوقف عا المرايه
وبحالو الجرح عم بيشوف حالو
وبتمو تجنّست يحرق سمايي
وبعدما بحالتي الافكار جالو
قلت من هون رايح عا النهايه
وحصان الدرب لبّستو جلالو
وتا حتى اوصل بأهون طريقه
كمشت قدام وشلحتو ورايي
0 comments:
إرسال تعليق