ضجيج الاخ

اتركيني جن عا حسابي اتركيني

عليك بدخن وبتسوكريني

المنيّه للجسد فتحت سفاره

ما فيكي للحياة تدّقريني

الي شهرين عايش بالمراره

وضجيج الاخ هجّرلي السكينه

وببحر الدين ربان الخساره

عا نتفه كان غرّقلي السفينه

لوجودي ما قدرت عبّي استماره

تا شكّي اطرح واجمع يقيني

الفرح للاربعا جاب الحراره

وانا هربان عالجمعه الحزينه

ما عندي ناس تفهم بالاشاره

وَلا بالهمس عندي صدّقيني

وصباح الخير ما بيعمل زياره

كتر ما رقبتو صارت تخينه

وهلق بعد ما عني توارى

ربيع العمر واصفرّت سنيني

باقي من انا شوية عفاره

قبل ما تسأليني لوين رايح

انا عالموت رايح تقبريني