مِشعِر انا والحظ اجرودي
وعقرب ما عندي بساعة شرودي
وعا الارض وقعت همة الايام
الكانت عا شوفة حال مسنوده
بدي شي نتفه من بني الالهام
تهز الوحي وتحرّك جمودي
كلما اجي تا اعملو صمّام
بشوب الطموح بتحكمو بروده
صار المعنّى بحالة استسلام
وماشي بعكس الاوف مجهودي
وكلما عا ورقه يميدنو الاقلام
بيطلع بشكلو الشعر عامودي
لبيت القصيد نويت ودّي سلام
ومَشّي الوزن من دون بارودي
وخلّي الحرف ينجح بصف كلام
وياخد شهاده ويعرف حدودي
ولما اهتمامي بين ديي نام
وتعرّفو الاخات عا وجودي
وعود الحياة لقيتهم اقزام
وعرفت انو هون مَنو هون
وانو الدني مش هون موجوده
0 comments:
إرسال تعليق