الصفحات

ننشر في هذا الموقع أشعار الشاعر الكبير عصام ملكي

لـمـا

هوني انا بحساب تقديري
مساير سكوتي وواقع بحيره
العرقات طارو وما اجو المازات
وبالكاس عم ادلق شفاتيري

ولما عا بالي بطوفة اللهفات
جيتي وما كنتي تفتحي سيره
صارت الصرخه تبعت سلامات
والشردقه تقول السمع عيري

ولما اشتياقي بين ديكي مات
القله اجت تا تزور تدبيري
وتا يكبرو عندي التمنيات
قلت على ذوقي بغيبتك صيري

ولما الغناني بعد ضرب خوات
هربو اجتمعت بكل تعتيري
ويا بو الزلف شلحتها هيهات
كانت تجي شحمه على فطيره

وقصرو معي فساتين المسافات
الفيهم كنت شوشح مشاويري
وهلق بعد ما ختيرو الهمّات
رايح انا والآخ مدري لوين
وماشي الوهم بخراج تفكيري


0 comments:

إرسال تعليق