يا موهبه شو بعد بتريدي
مع اوف عم خرطش مواعيدي
واطرش خمر عا منطقي الدبلان
تا يفرفح ويسحب بواريدي
بالويل صرلي جمعتين زمان
بشوشح خيالي وفكرتي بعيده
وجوع المنابر بين آن وآن
بيصير يستفقد زواويدي
ومنشان غنّي للدني الوان
تخلّي الجمال يقول يا سيدي
واسكر عا ذوقي وطالع الفنجان
المع ركوتي بيحفظ تقاليدي
جبت الحرف تا اعملو انسان
وحطّو بدمّة مرحله جديده
تا يصير حولو يجمع الاخوان
ويطلع بكلمه تعيّد بعيدي
ولما لقيتو ما بقا سئلان
صار القلم يبكي بحضن ايدي
ونسيو القوافي خلقة الاوزان
وتا بيت شعري يطلع بلا صوت
بتم السقف حطّيت قرميده
0 comments:
إرسال تعليق