وطننا غيّر تيابو وترسّم
وحدودو مع حدود الغير رسّم
عربنا فصّلو البدله وتأنو
وعا جسمو شكلها بيّن مكسّم
متل غيرو الوطن لبنان مَنّو
الهوا عا جبهتو بالشوب نسّم
الصلابه وجوها صخورو تبنّو
وترابو لشمخة الارزات اقسم
وهلّي للوطن اجراس رنّو
بعملهم مشكل الدوله تجسّم
باسمو طبّلو وقانون سنّو
ولحد اليوم جرحو ما تبلسم
ما بدهم يطلعو الاغراب منّو
وما في انسان لوجودن تبسّم
اذا حلّو باذن الرب عنّو
بيكون الخير لربوعو توسّم
يا مسؤولين خد الوضع حنّو
تا نقدر نقطف بها الظرف موسم
الخلاص بايدكم هلق لأنو
اللحن بيموت عا شفاف الغناني
اذا عا العود موطننا تقسّم
0 comments:
إرسال تعليق