الصفحات

ننشر في هذا الموقع أشعار الشاعر الكبير عصام ملكي

الشاعر

الشاعر بعين الناس ما بيبقى حلو
انما كان عندو بكلمتو معمل حلو
بعين العنايه لازم يشوف الامور
وعا مواقفو اخلاق يدلق بالدلو

ومفروض انو يكون في عندو شعور
ويكون صادق والمحبه منهلو
ولازم ضميرو ينقرا بين السطور
كل ما عيون الفاحصين تقابلو

وفوق المنابر ينسمى مشعال نور
يضوي عا غيرو وكلمتو تطلع ملو
ويزورق المعنى عا موجات البحور
والمعرفه تحمل بديها مشعلو

وهلي حسود وبالنفس عندو غرور
لازم يغيّر منهجو تا نقبلو
ان شاف كلمه مرتبّه يبدي السرور
وللناس يحكي والحديث يطوّلو

ويقول شوفو شو كتب شاعر غيور
بالموهبه حلّق عا كون منجهلو
والحكم عندو يكون عادل والزهور
ما يقول عنها شوك للي بيسألو

الشاعر جريمه يكون عا شكل القبور
الخارج نعومه والعضام بداخلو
من واجباتو للوعي يركِّب جسور
هوّي خِلق تا يكون احساس وضمير
يعني حياة المنفقه مَنها الو

  

0 comments:

إرسال تعليق