انا هربان من ذاتي بدوني
ولعندي رايح بضجة سكوني
بعيون الشعر كلما شوف حالي
عا حاله من الشقا بغمض عيوني
الحرف عم لبّسو من شغل بالي
وبعرفي بيعرفو اللي بيعرفوني
مجال النسر ازغر من مجالي
التجارب عا المنابر علموني
نقلت الشعر من عصر الجهاله
لعصر النور وعطيتو المرونه
وطعمت الوزن اطيب ما حلالي
وقلت للقافيه عا القد كوني
واذا جينا عا ذكر الارتجالي
وطلع عا بال ناس يجربوني
ما عندي لحن عندي صوت عالي
وحروف الابجديه بيقربوني
فنوني جبتها باصدق رساله
وقبل ما ازرعو بيطلع جنوني
قلت للناصرو اللون الخيالي
لانو همكم بالشعر همي
اتركوني شبرق شبابو اتركوني
0 comments:
إرسال تعليق