الحداثه ظرفها ضيّع بريدو
ما قدرت للشعر جابت جديدو
جديدو الما خلط شدّه بمدّه
ومنو الناس فيهم يستفيدو
عطاني الادعا اطباع حده
وما عندي فستق يساير عبيدو
لانو عا الشعر زاد التعدي
الوحي الخلاَّق عم اسمع نهيدو
الحكي الفوفاش مش ممكن يهدّي
انا عم قول بدّو الوضع سيدو
زجل لبناننا بكلام جدّي
ضروري يشمخ وينقام عيدو
انا الالهام عم بيضل حدّي
وبكل مناسبه بردّد نشيدو
واذا بيندق عا باب التحدّي
التحدّي بكلمتي بكسر جليدو
ما بدي تنكسر ردّه بردّه
تا مجد الشعر نرجع نستعيدو
ونشرح للملا وين التردّي
لانو بالحداثه اليوم صاير
الحرف عا الوزن عم بيمدّ ايدو
0 comments:
إرسال تعليق