ارجعي من الاربعا ليوم التلاته
تا اعمل عن جداره واجباتي
قبل ما يروح صوب الكبر سنك
اوقفي تا اقطف القبلات منك
قبل ما تنقطف زهرة حياتي
ابعتيلي خلف حنا المعمداني
وشي اردن يقدر يعمّد لساني
الفنا عا الجسم اعلن انتصارو
وسنيني من حساب العمر طارو
وانا عا الارض غاطط عالثواني
الظروف مغيّره خلقة مكاني
هجرت الشعر وبلاد الغناني
وجوع النفس صار الهم يقرب
وحرف الكان عم ياكل ويشرب
من التفكير آكل خيزرانه
الدني بيجوز مشيت من عدانا
ما بعرف ليش ما بينفع دوانا
انتي على السما بلا جناح علّي
وانا رح ضل ليل نهار صلّي
اذا ما الآخ نساني الابانا
0 comments:
إرسال تعليق